බුද්ධගයාවේ අසිරිමත් බුදුපිළිම වහන්සේ!

Saturday, October 6, 2012

සංයුක්ත නිකාය - සත්ති වර්ගය






ඒණිජංඝ සූත්‍රය. 


ඒණි මුවාගේ කෙණ්ඩා මුල් කොට වදාළ දෙසුම.

 සැවත් නුවර ජේතවන අසපුවේදීය. 

(දෙවියා ) 

"ආහාර චුට්ටක් වළඳන , කෙසිවකට ආසා නැති, ඒණි මුවෙකුගේ බඳු කෙණ්ඩා ඇති , සිහින් සිරුරැති වීරයාණනි, සිංහ රාජයාණෙනි, හුදෙකලාවේ ඇවිද යන ඇත් රජාණෙනි, කාමයන් ගැන අපේක්ෂා නැති මුනිඳාණනි,  ඔබ වහන්සේ ළඟට පැමිණි අපි මේ ගැන අසන්නට කැමතියි.   දුකින් නිදහස් වෙන්නෙ කොහොම ද? "


(භාග්‍යවතුන් වහන්සේ ) 


" මනස හයවෙනි කොට තිබෙන මේ පංච කාමගුණ ලෝකය ගැන කියල දීලයි තියෙන්නෙ. ඔය දේවල් කෙරෙහි තියෙන තණ්හාව  දුරුකළා ම , දුකෙන් නිදහස් වෙලා යනව."

සාදූ!    සාදූ!!     සාදූ!!!

තුන්වැනි සත්ති වර්ගය නිමා විය. 

***මේ මාසෙ මැද මම දඹදිව වන්දනාවෙ  යන්නට හිතා ඉන්නෙ. ඉතින්, මෙතෙක් මෙහි පැමිණි ඔබ සැමටම පින්පෙත් අනුමෝදන් කරනවා. ඔබට දෙන දහම් වදනකින් මමත් ලබන්නෙ අසීමිත සතුටක්.  මේ වෑයම යන්ට කලින් පොහෝ දිනට මගෙන් කෙරෙන කාර්යය නිමකරල යන්ටයි. ඉවර ඇති විටෙක අනෙක් දේවල් කියවන්ට. ඔබ සැමට තෙරුවන් සරණයි! 

No comments:

Post a Comment