Posts

Showing posts from November, 2014

ධම්ම පදය - චිත්ත වර්ගය 8

Image
කුම්භූපමං කායමිමං විදිත‍්වා නගරූපමං චිත්තමිදං ඨපෙත‍්වා යොධෙථ මාරං පඤ්ඤායුධෙන ජිතං ච රකෙඛ, අනිවෙසනො සියා
(සැවැත්නුවර - විදශකි තෙරුන් ඇරබ)

මේ කය මැටි භාජනයක් වැනි ය යි දැන, මේ සිත (මනාසේ රැකි) නුවරක් මෙන් පිහිටුවා, ප්‍රඥා නැමැති ආයුධයෙන් මාරයා හා යුද්ධ කරව්. (එ සේ යුද්ධ කොට) දිනා ගත් දේ රැකගත යුතු යි. දැකිය යුතුමය මේ කය – බිඳී යන වළඳක් ලෙස
සුරැකිය යුතුය මේ සිත – හොඳින් රකිනා නගරයක් ලෙස
ප‍්‍රඥාව නැමැති අවි ගෙන – පහරදිය යුතු මාරයා හට
ජයගෙන කෙලෙස් යුධයෙන් - නැවත සසරට නොආ යුතුමය
(සිත එකඟකොට සමාපත්තියකට ඇතුල් වූ පමණින්) සෑහීමට පත් නො විය යුතු යි. (ශරීරය බිඳී යන මැටි බඳුනක් සේ අනිත්‍ය  දැන, ඒ භාවනාව නිසා කෙලෙස් සතුරන්ට ළං විය නො හැකි බැවින් තමාගේ සිත සුරැකි නුවරක් මෙන් කොට කෙලෙස් සතුරන් හා යුද්ධ කළ යුතු ය යි දක්වන ලදී.)
මේ ගාථාව දෙවරම් වෙහෙරේදී පන්සියයක් විදශික භික්ෂූන් අරභයා දෙසනාකරන ලදී.  එක්තරා පන්සියයක් භික්ෂූන් වහන්සේලා භාවනා වඩනු වස් වනයට වැඩම කොට බවුන් වඩද්දී ඒ වනයෙහි උන් යම් දෙවිවරු හා අමනුස්සයයින් උන් වහන්සේලා එම වනයෙන් පලවා හැරීම පිණිස නොයෙකුත් වෙස් ගෙන, කෑකෝ ගසමින්,බියජනක රූප මවමින් උන් වහන්…